Ադրբեջանը հավակնում է անդամակցել Եվրասիական տնտեսական բանկին: Այս մասին «Իզվեստիա»-ի հետ հարցազրույցում ասել է ԵԶԲ բանկի կառավարման խորհրդի նախագահ Դմիտրի Պանկինը:
Նրա խոսքով՝ բանկը վերլուծել է Եվրոպայի, Ասիայի եւ Մերձավոր Արեւելքի 70 երկրների տվյալները: Արդյունքում՝ ԵԶԲ մտնելու պոտենցիալ թեկնածուների ցուցակում ներառվել են Ադրբեջանը, Վիետնամը, Եգիպտոսը, Իսրայելը, Հնդկաստանը, Ինդոնեզիան, Իրանը, Մոնղոլիան, Սինգապուրը, Թաիլանդը, Հարավային Կորեան եւ Ճապոնիան:
«Դա մեր աբստրակտ ցանկությամբ չէ: Չափանիշը առեւտրային եւ ներդրումային կապերի ինտենսիվությունն է, նաեւ ԵԶԲ մեջ մտնող երկրների հետ (Հայաստան, Բելառուս, Ռուսաստան, Ղրղզստան, Տաջիկստան, Ղազախստան - խմբ.) ինտեգրման գործընթացները, մեր բանկին անդամակցության շուրջ բանակցությունների ընթացիկ կարգավիճակը եւ տնտեսական ցուցանիշները: Այս մոտեցումը համաձայնացվել է խորհրդի հետ, որն աջակցում է մեր ռազմավարությանը: Այդ պատճառով աս երկրների հետ բանակցությունները բանկի մենեջմենթի ուղղակի դիրքորոշումը չէ: Դա նաեւ հիմնադիրների՝ մեր երկրների կառավարությունների դիրքորոշումն է»,- նշել է Դմիտրի Պանկինը:
