Հայաստանի եւ ԱՄՆ-ի գործընկերային համագործակցությունը նոր խթան է ստացել: Հոկտեմբերի 20-ին ԱԺ-ում այդ մասին հայտարարեց Հայաստանի արտգործնախարար Էդվարդ Նալբանդյանը: Նրա խոսքով, այդ ամենի ապացույցը, երկու պետությունների նախագահների հանդիպումն էր, պետքարտուղար Հիլարի Քլինթոնի այցելությունը Հայաստան, բազմաթիվ պատվիրակությունների այցելությունները, ինչպես նաեւ համատեղ ծրագրերը:
Նախարարի խոսքով, որակյալ նոր մակարդակի է բարձրացել նաեւ Հայաստանի եւ Եվրամիության համագործակցությունը, ինչի ապացույցը ԵՄ-ի երկրների միջեւ վիզային ռեժիմի պարզեցման հեռանկարներն են, ազատ առեւտրային գոտի ստեղծելը, Հայաստանի ասոցացված անդամակցման ծրագիրը, տարբեր ոլորտներում բազմաթիվ այլ ծրագրերի իրագործումը: Ըստ նրա, Հայաստանի նախագահն այցելել է 19 եվրոպական երկրներ, եվրոպական երկրների ղեկավարներից շատերը համապատասխան այցով եղել են Հայաստանում: «Եղել են նաեւ բազմաթիվ այլ պատվիրակությունների եւ բարձրաստիճան պաշտոնյանների այցելություններ»,-նշեց Նալբանդյանը:
Ընդհանուր առմամբ, նրա խոսքով, Հայաստանի արտաքին քաղաքականությունը շատ ակտիվացել է, կապեր են հաստատվել այն պետություններ հետ, որոնց հետ մինչեւ այս հարարբերություններ չկար, կատարելագործվել է միջազգային պայմանագրային-իրավական բազան: Բացի այդ, նախարարը նշեց, որ բացվել է Հայաստանի 5 նոր դեսպանություններ` Իսպանիայում, Ուզբեկստանում, Քուվեյթում, Բրազիլիայում եւ Ճապոնիայում: Եվս երկու նոր դեսպանություններ նոյեմբերին եւ դեկտեմբերին կբացվեն Չեխիայում եւ Նիդեռլանդներում: Բացի այդ Հայաստանը 86 միջազգային կազմակերպությունների անդամ է:
