Հայաստանի ֆինանսների նախարարության քննչական վարչությունում քննվող՝ «Զօօ Ֆաունա ԱՐՏ» ՍՊԸ հիմնադիր Արթուր Խաչատրյանի կողմից 2011թ. ընթացքում երկու հատ «Բոնոբո» տեսակի կապիկներ ՀՀ ներմուծելու վերաբերյալ հարուցված քրգործը կարճվել է: Այս մասին հայտնում են NEWS.am-ի աղբյուրները:
Մեր տեղեկություններով, իրավապահ մարմինները ոչ մի ապացույց ձեռք չեն բերել, որ Խաչատրյանն ինչ որ բան սխալ է արել, կամ թերացել է:
Նշենք, որ խոսակցություններ կային, թե Հայաստան բերված եւ ապա սատկած կապիկները էբոլայի վարակակիրներ են եղել: Ավելի ուշ Ֆինանսների նախարարության տեղեկատվության եւ հասարակայնության հետ կապերի բաժնից հայտնել էին, որ էբոլայի վարակակիր լինելու վերաբերյալ տվյալներ ձեռք չեն բերվել:
