Չիբոք քաղաքից «Իսլամական պետության» Արեւմտաաֆրիկական նահանգ» կազմակերպության իսլամականների կողմից առեւանգված ավելի քան 100 նիգերիացի աղջիկները հրաժարվել են տուն վերադառնալ եւ նախընտրել են մնալ գրոհայինների հետ: Այս մասին հայտնում է Associated Press-ը:
Չիբոքի զարգացման ասոցիացիայի նախագահ Պոգու Բիտրուսը հայտարարել է, որ ծայրահեղականների ճամբարում ապրելու ժամանակաշրջանում դեռահասներից շատերը արմատական են դարձել: Նրանց մի մասը վախենում է տուն վերադառնալ՝ վախենալով հասարակական պարսավանքից, քանի որ գրոհայիններն իրենց բռնի կնության են վերցրել, եւ շատերն արդեն երեխաներ ունեն: Բիտրուսի խոսքով՝ նրանց ենթադրությունները հեռու չեն ճշմարտությունից. անցած շաբաթ գրոհայինների գերությունից ազատ արձակված 21 աղջիկների կառավարությունը ստիպված է ուղարկել արտասահման սովորելու, որպեսզի խուսափեն քաղաքացիների հարձակումներից:
Չիբոքի բնակիչների նման պահվածքը պայմանավորված է տարածաշրջանի առանձնահատկությամբ: Նիգերիայի հյուսիսում գտնվող քաղաքը քրիստոնեական անկլավ է. Նիգերիայում բնակչության մեծ մասը իսլամ է դավանում: