WikiLeaks կայքը չորեքշաբթի կհրապարակի ԱՄՆ նախագահի դեմոկրատական կուսակցության թեկնածու Հիլարի Քլինթոնի ընտրարշավի ղեկավար Ջոն Փոդեսթայի գաղտնի նամակագրության հերթական՝ 12-րդ մասը, փոխանցում է «ՌԻԱ Նովոստի»–ն։
Առաջին մասը հրապարակվել էր հոկտեմբերի 8-ին, կայքը նամակագրությունը հրապարակում է մաս–մաս։ Հերթական մասի հրապարակումը 19 հազար նամակ է պարունակում։
Հոկտեմբերին WikiLeaks–ի հիմնադիր Ջուլիան Ասանժը Բեռլինում հեռուստակամուրջի ժամանակ խոստացել էր մինչեւ այս տարվա վերջը հրապարակել ԱՄՆ ընտրությունների եւ երեք երկրների կառավարությունների մասին նշանակալի տվյալներ։