Դեմոկրատ Հիլարի Քլինթոնը եւ հանրապետական Դոնալդ Թրամփը հոկտեմբերի 20-ին կհանդիպեն Նեւադա նահանգի Լաս Վեգաս քաղաքում, որտեղ տեղի կունենա նրանց երրորդ՝ եզրափակիչ բանավեճը: Այս մասին հայտնում է «Ամերիկայի ձայն»-ը:
Նախկինի պես Թրամփը հասարակական կարծիքի հարցումներում Քլինթոնից հետ է մնում, եւ այս բանավեճը, հնարավոր է, դառնա ընտրարշավի ընթացքը փոխելու վերջին հնարավորությունը, երբ ընտրություններին երեք շաբաթից քիչ է մնացել: Վերջին ազգային հարցումների տվյալներով՝ Թրամփը Քլինթոնից հետ է մնում միջինը 6 տոկոսով:
