Ուզբեկստանի արեւելքում կործանվել է երկրի ՊՆ ուղղաթիռը, ինչի հետեւանքով զոհվել է 9 մարդ, հայտնում է «ՌԻԱ Նովոստին»՝ վկայակոչելով «Ուզբեկստան» հեռուստաալիքը։
«2016-ի հոկտեմբերի 18-ին Ֆերգանի շրջանի տարածքում վթարի է ենթարկվել ՊՆ «Մի-171» ուղղաթիռը, որը պլանային չվերթ էր իրականացնում»,- ասվում է հաղորդագրության մեջ։
Նշվում է, որ զոհվածներից երեքը անձնակազմի անդամներ են, իսկ վեցն էլ զինծառայողներ։ Երկրի կառավարությունը վթարի պատճառները հետաքննելու համար ստեղծել է հատուկ հանձնաժողով։