Apple ընկերությունը շնորհանդեսի հրավիրատոմսեր է ուղարկել, որը կայանալու է հոկտեմբերի 27-ին, Կուպերտինոյում: Այս մասին գրում է Gazeta-ն՝ վկայակոչելով 9to5mac կայքը:
Շնորհանդեսի կարգախոսն է՝ hello again («կրկին ողջույն»): Լրատվամիջոցները ենթադրում են, որ սա հղում է Macintosh առաջին համակարգչին, որի էկրանին 1984 թվականին կայացած շնորհանդեսի ժամանակ հայտնվել է hello («ողջույն») գրությունը:
Ըստ պարբերականի՝ սա Կուպերտինոյում Apple-ի վերջին շնորհանդեսը կլինի: Սպասվում է, որ այսուհետ ընկերությունը միջոցառումների անցկացման համար այլ վայր կընտրի: