Հայաստանի կառավարությունը կոռուպցիայի դեմ կպայքարի ստանդարտ մեթոդներով: Այս մասին հոկտեմբերի 20-ին Ազգային ժողովում նոր Կառավարության ծրագիրը ներկայացնելիս հայտարարեց վարչապետ Կարեն Կարապետյանը՝ պատասխանելով ԲՀԿ խմբակցության ղեկավար Նաիրա Զոհրաբյանի հարցին:
Պատասխանելով Նաիրա Զոհրաբյանի հարցին, թե որոնք են լինելու Կառավարության ոչ ստանդարտ լուծումներն «անորսալի» ստվերային տնտեսությունների նկատմամբ, Կարապետյանը նշեց. «Մենք չենք ասել, որ կոռուպցիայի դեմ պայքարելու ենք ոչ ստանդարտ մեթոդներով, մենք խոսել ենք ոչ ստանդարտ մեթոդներով տնտեսությունը զարգացնելու մասին: Կանենք, թե՝ ոչ, Դուք կտեսնեք»:
