Դեֆոլտի մասին Հայաստանի նախկին նախագահ Լեւոն Տեր-Պետրոսյանի հայտարարությունը պարզապես զարմանալի է: Հոկտեմբերի 20-ին խորհրդարանում լրագրողների հետ զրույցում այս մասին հայտարարեց ՀՀ փոխվարչապետ, միջազգային տնտեսական ինտեգրման եւ բարեփոխումների նախարար Վաչե Գաբրիելյանը:
Նրա խոսքով՝ հետաքրքիր կլիներ տեսնել այդ հայտարարության հիմնավորումները: Իհարկե, ֆինանսական դժվարություններ կան, այդ թվում՝ պետբյուջեի դեֆիցիտը ծածկելու առումով: Բայց դա, ամեն դեպքում, դեֆոլտ չէ:
«Այդ պատճառով չեմ կարող ասել, թե ինչ չափանիշներից ելնելով է արվել այդ հայտարարությունը: Երբ ծանոթանամ, կկարողանամ ավելի մանրամասն պատասխանել»,- հավելեց Գաբրիելյանը: