Մոսկվան հակակառուցողական է համարում ԻՊ զինյալներին Մոսուլից Սիրիա «ուղղորդելու» առաջարկները։ ՌԴ ԱԳՆ պաշտոնական ներկայացուցիչ Մարիա Զախարովայի խոսքով դա պարզապես հանցագործություն է։ «Նման առաջարկները բացահայտ երեսպաշտություն է, որը խարխլում է ՄԱԿ ԱԽ համապատասխան որոշումների շրջանակում համակարգված՝ միջազգային ահաբեկչության դեմ անզիջում պայքարի հիմքերը»,- ասել է նա։
Զախարովան նշել է, որ Ռուսաստանը աջակցում է Իրաքի ղեկավարության վճռորոշ ջանքերը՝ «ԻՊ ծայրահեղականության դեմ պայքարելու, պետության ինքնիշխանությունն ու տարածքային ամոբղջականությունն ապահովելու» ուղղությամբ։ «Բայցեւ այնպես փաստում ենք, որ մեկուկես միլիոն բնակչություն ունեցող քաղաքում այդաստիճան խոշոր ուժային գործողություն անցկացնելու դեպքում կարեւ որ է ձեռնարկել միջոցառումներ այնտեղ մնացող բնակիչների պաշտպանության, նաեւ քաղաքը լքելու ցանկությոն ունեցողներին օգնելու համար»,- ասել է նա։