ԱՄՆ նախագահի հանրապետական թեկնածու Դոնալդ Թրամփը հայտնել է, որ կճանաչի ընտրությունների արդյունքները, եթե հաղթի։ «Ես կճանաչեմ ընտրությունների ճշգրիտ արդյունքները, սակայն ինձ իրավունք կվերապահեմ վիճարկել կասկածելի արդյունքը»,- ասել է Թրամփը Օհայոյում հանրահավաքի ժամանակ։
Նա Օհայոյում հանրահավաքում առաջին անգամ էր ներկայացել հանրությանը իր մրցակից Հիլարի Քլինթոնի հետ բանավեճերի երրորդ ու եզրափակիչ փուլից հետո, հայտնում է BBC–ն։
Բանավեճերի ժամանակ հանրապետական թեկնածուն, որը վերջին մի քանի օրերին կրկնում էր որ ԱՄՆ-ում ընտրությունները կեղծվում են, հրաժարվել է ուղղակիորեն պատասխանել այն հարցին, արդյոք ինքը կընդունի նախագահական ընտրությունների արդյունքը իր պարտության դեպքում, ինչով առաջացրել է քննադատությունների ալիք։
Թրամփի ընտրական շտաբի ղեկավար Քելիեն Քոնվեյը ավելի ուշ պարզաբանել է, որ Թրամփը նկատի ուներ, որ չի ընդունի իր պարտությունը, քանի դեռ «հայտնի չլինեն վերջնական արդյունքները»։