Մեքսիկայում դատարանը հաստատել է Գաճաճ կեղծանունով հայտնի նարկոբարոն Հոակին Գուսմանին ԱՄՆ-ին արտահանձնելու մասին որոշումը՝ մերժելով նրա պաշտպանների ներկայացրած մի քանի հայցադիմումները: Այս մասին հաղորդում է Life-ը:
«Սինալոա» կարտելի ղեկավարի հանձնման ժամկետները, սակայն, դեռեւս չեն հստակեցվել, իսկ դա նշանակում է, որ Գաճաճի փաստաբանները դեռ հնարավորություն ունեն կանխել արտահանձնումը: France Presse գործակալության տեղեկացմամբ՝ Գուսմանի շահերը ներկայացնող իրավաբաններից մեկն արդեն հայտարարել է, որ որոշումը բողոքարկելու է բարձրագույն դատական ատյանում:
Հիշեցնենք, որ ԱՄՆ-ում Գուսմանին մի քանի ցմահ բանտարկություն է սպառնում՝ սպանության, մարդկանց առեւանգման, թմրանյութերի վաճառքի համար: