ՀՔԾ որոշմամբ կալանք է դրվել Ալեք Ենիգոմշյանի բանկային հաշվեհամարի վրա: Այս մասին հաղորդագրություն է տարածել «Հիմնադիր խորհրդարանը»:
Հաղորդագրությունում նաեւ ասվում է.
«Վարչախումբը շարունակում է քաղաքական հալածանքները Սասնա Ծռերի եւ նրանց մոտ կանգնած շրջանակների նկատմնամբ: Հատուկ Քննչական Ծառայության որոշմամբ կալանք է դրվել Ալեք Ենիգոմշյանի բանկային հաշվեհամարի վրա:
Բացի այն փաստից, որ նման որոշումը հակաօրինական է, որովհետեւ բանկային հաշիվը որեւէ կապ չունի նրան առաջադրված ի սկզբանե անհեթեթ մեղադրանքների հետ, այն այլ առումով եւս մարդու իրավունքների կոպիտ խախտում է, քանի որ այդ բանկային հաշիվը Ալեք Ենիգոմշյանի ֆինանսական միակ աղբյուրն է»:
Ավելի վաղ NEWS.am-ը հայտնել էր, որ Ալեք Ենիգոմշյանը հուլիսի 30-ին երկու ամսով կալանավորվել էր, ապա օգոստոսի 8-ին նրա խափանման միջոց կալանքը փոխվել էր եւ նա ազատ էր արձակվել: Ալեք Ենիգոմշյանը կասկածվում է հուլիսի 17-ին ոստիկանության պարեկապահակային ծառայության (ՊՊԾ) գնդի տարածքը գրաված զինված խմբին օժանդակելու մեջ։
