Վերաքննիչ դատարանը մերժել է Երեւանի Կոմիտասի պողոտայում 2 քաղաքացու վրաերթի ենթարկած տրոլեյբուսի կին վարորդ 62-ամյա Էմմա Մանյանի պաշտպանի բողոքը: Առաջին ատյանի դատարանի կողմից 1 տարվա ազատազրկման դատապարտված Էմմա Մանյանի պաշտպանը պահանջել էր բեկանել առաջին ատյանի դատարանի որոշումը եւ արդարացնել իր պաշտպանյալին, որը մերժվել է:
Ավելի վաղ տեղեկացրել էինք, որ 2015 թվականի դեկտեմբերի 23-ին թիվ 10 երթուղու տրոլեյբուսի վարորդ 62-ամյա Է. Մ.-ն վրաերթի է ենթարկել 2 կնոջ, որոնցից մեկը՝ Հ.Ի.-ն տեղում մահացել է, իսկ մյուսը՝ 62-ամյա Ս. Ս.-ն տեղափոխվել է «Սուրբ Գրիգոր Լուսավորիչ» ԲԿ: