Անգլիայի Նորֆոլք կոմսությունում Foxy Lodge կենդանիների կենտրոնի մասնագետները ամեն օր մերսում են Նելսոն անունով ոզնուն, որը կազմակերպության խնամքին է հանձնված:
Ոզնին բոլորովին զուրկ է ասեղներից, եւ կենդանաբանները ենթադրում են, որ մերսումները կարող են նպաստել դրանց ի հայտ գալուն: Նելսոնի մաշկին նշի յուղ են քսում, որպեսի մաշկը փափկի, հայտնում է Metro-ն: Համացանցում հայտնված տեսանյութում երեում է, որ պրոցեդուրայի ժանմանակ ոզնին բնազդաբար ասեղները ցցելու փորձ է անում:
Անասնաբույժները ենթադրում են, որ ոզնին ասեղները կորցրել է սթրեսի կամ վնասվածքի պատճառով:
Եթե ոզնուն օգնել չհաջողվի, ապա կենդանին չի կարող ապրել ազատության մեջ եւ կմնա կենտրոնում: