Ստամբուլում ԱՄՆ գլխավոր հյուպատոսությունը զգուշացրել է ԱՄՆ քաղաքացիներին ծայրահեղականների կողմից հնարավոր հարձակումների մասին։
«Ծայրահեղական խմբավորումները շարունակում են ագրեսիվ ջանքերը Ստամբուլում ամերիկացիների կամ այլ օտարերկրացիների դեմ հարձակումների համար։ Այդ հարձակումները կարող են լինել նախապես պլանավորած կամ առանց որեւէ նախազգուշացման, եւ կարող են իրենց մեջ ներառել նաեւ զինված հարձակումներ, առեւանգման փորձեր, պայթյուններ կամ բռնության այլ ակտեր»,-ասված է հաղորդագրությունում։
Հյուպատոսությունը ԱՄՆ քաղաքացիներին խորհուրդ է տվել խուսափել Թուրքիայի հարավ-արեւելյան շրջաններ այցելելուց, որտեղ շարունակվում է հակամարտության կարգավորումը։
