ԱՄՆ-ում Kingstone հրատարակչությունը կոմիքսի տեսքով Աստվածաշունչ է լույս ընծայել, գրում է Informing-ը՝ վկայակոչելով The Guardian-ը։

7 տարի է պահանջվել 45 իլյուստատորների, որպեսզի նկարազարդեն 12 հատորները։ Հրատարակչության ներկայացուցիչները նշում են, որ սա մինչ այս եղածներից ամենաերկար գրաֆիկական նովելն է։

Kingstone-ում վստահ են, որ նման ձեւաչափով Աստվածաշունչը ավելի հետաքրքիր կլինի ժամանակակից երեխաներին։ Վառ նկարազարդումները, որոնք ուղեկցվում են հասկանալի երկխոսություններով, Աստվածաշունչը ավելի գրավիչ են դարձնում։

Կոմիքսներով Աստվածաշունչը 2 հազար էջ է։ Արդեն հիմա հրատարակչության պաշտոնական կայքում կարելի է պատվիրել այն։ 12 հատորից բաղկացած հավաքածուն կարելի է ձեռք բերել 75 դոլարով։