ԱՄՆ նախագահի հանրապետական թեկնածու Դոնալդ Թրամփի նախընտրական միջոցառումներից մեկի ժամանակ նկատել են մի պաստառ, որտեղ պատկերված է եղել նրա մրցակից, նախկին պետքարտուղար Հիլարի Քլինթոնը՝ թիրախի տեսքով, հաղորդում է The Hill-ը։
CNN-ի թղթակից Ջոն Աքոսթայի խոսքով, պաստառը բերել էր Թրամփի միջոցառման մասնակիցներից մեկը։
Պաստառի տակ գրված է եղել, որ Քլինթոնը «խլում է զենք կրելու ձեր իրավունքները»։ Միաժամանակ, ներքեւում է եղել եւս մեկ գրառում, որտեղ Հիլարիի անվան հետ կապված բառախաղ է եղել։ Մասնավորապես Հիլարիի փոխարեն գրված է եղել Killary (Kill թարգմանաբար նշանակում է սպանել)։