Գեղարքունիքի մարզի Ջիլ համայնքում, որտեղ նախօրեին համայնքի ղեկավարի ընտրություններ են տեղի ունեցել, հաղթել է գործող գյուղապետ Միքայել Ղարիբյանը:
Կենտրոնական ընտրական հանձնաժողովից NEWS.am-ին հայտնեցին, որ Ղարիբյանը ստացել է 182 ձայն, Նիկոլայ Հովհաննիսյանը՝ 157 ձայն, իսկ Հայկանուշ Մելիքյանը՝ 5 ձայն: Ընտրողների ընդհանուր թիվը 475-ն է, սակայն ընտրություններին մասնակցել է 351 քաղաքացի:
Նշենք, որ Ջիլում հոկտեմբերի 2-ին կայացած ընտրություններն անվավեր էին ճանաչվել, որի համար հիմք էր հանդիսացել ներկայացված վերահաշվարկի դիմումները եւ դրանց հիման վրա անցկացված վերահաշվարկի աշխատանքները:
