Համացանցում հայտնվել է տեսանյութ Մալթայի օդանավակայանից, որտեղ թեթեւ շարժիչով օդանավ էր կործանվել։ Թռիչքուղու վրա կանգնած օդանավերից մեկի ուղեւորի նկարահանած տեսանյութում երեւում են այրվող մնացորդները, հետին պլանում լսվում են անձնակազմի հրամանատարի եւ լացող երեխաների ձայները։
Ավելի վաղ հայտնել էինք, որ երկուշաբթի առավոտյան Մալթայի օդանավակայանում թեթեւ շարժիչով օդանավի կործանման հետեւանքով, նախնական տվյալներով, 5 մարդ է զոհվել: Հաղորդվում է, որ օդանավում ԵՄ-ի արտաքին սահմանների անվտանգության հարցերի գործակալության («Ֆրոնտեքս») աշխատակիցներ են եղել, որոնք ուղեւորվում էին դեպի Լիբիայի Միսրաթա քաղաք։ Սակայն կազմակերպության ներկայացուցիչները Twitter–ում հերքել են այդ տեղեկությունները։