Հայաստանյան բանկերն արդեն պատրաստ են սպասարկել միջազգային ֆյուչերսային ու ֆորվարդային պայմանագրերը։ Այս մասին հոկտեմբերի 24-ին խորհրդարանում ասել է ԿԲ փոխնախագահ Ներսես Երիցյանը՝ ներկայացնելով «Արժեթղթերի շուկայի մասին» օրենքում փոփոխությունների նախագիծը։
Նրա խոսքով՝ միջազգային սակարկությունները արժեթղթերով սպասարկելը մեծ իրավական ծախսեր է պահանջում։ Հիմա, երբ բանկային համակարգի ակտիվները հասել են ՀՆԱ 70 տոկոսին, կարելի է գնալ դրան։ Ավելի վաղ Հայաստանում արժեթղթերի եւ պարտատոմսերի բավականաչափ ծավալ չկար, որոնք բազային ակտիվ կծառայեին ֆյուչերսների գործարքների համար։ Հիմա դրանք արդեն կան շուկայում։ Բացի այդ, Հայաստանում որոշ միջազգային բանկեր արդեն դուրս են եկել կապիտալի միջազգային շուկա, իսկ նշանակում է, որ համաշխարհային ֆինանսական կազմակերպությունները սկսել են երկրի ֆինանսական ռիսկերի մշտադիտարկում իրականացնել։ «Հետեւաբար, արժեթղթերի հայկական շուկան ավելի ճանաչված է դարձել աշխարհում, իսկ դրա երկրորդային գործիքների պահանջարկը պետք է պաշտպանել»,– ասել է Երիցյանը։
Օրինագծերի փոփոխությունների նպատակը Հայաստանում ստանդարտ ICDM կիրառումն է, որը թույլ կտա միջազգայնորեն ընդունելի պայմանագրեր կնքել երկրորդային ֆինանսական գործիքներով (ռեպո, ֆյուչերսներ, սվոփեր եւ այլն) Բարեփոխումներն իրականացվում են ՎԶԵԲ–ի հետ համագործակցությամբ Սվոփերի ու ածանցյալների միջազգային ասոցիացիայի (ISDA) մոդելով։
