Ստամբուլի դատարանը Թուրքիայում հեղաշրջման փորձի մասին գործով առաջին մեղադրական վճիռն է կայացրել 29 ոստիկանների նատմամբ, որոնց դատախազությունը պահանջում է ցմահ ազատազրկման դատապարտել, հայտնում է Haberturk հեռուստաալիքը։

Ոստիկանության աշխատակիցներին մեղադրում են այն բանի համար, որ նրանք աջակցել են խռովությանը ու հեղաշրջման փորձի դեմ ի նշան բողոքի փողոց դուրս եկած մարդկանց կոչ են արել հանգստություն պահպանել ու չդիմադրել խռովարարներին։ Եվս երեք ոստիկանների էլ սպառնում է երկարատեւ պատիժ ծրագրի գործածման համար, որը, ըստ Անկարայի, կոդավորված հաղորդագրություններ փոխանակելու համար գործածում են «Հիզմեթ» շարժման համախոհները, որի գաղափարակիրը Ֆեթուլա Գյուլենն է։