Եվրախորհրդի նախագահ Դոնալդ Տուսկը ու Կանադայի վարչապետ Ջասթին Թրյուդոն պայմանավորվել են չչեղարկել հոկտեմբերի 27-ին ծրագրված գագաթնաժողովը, որի ժամանակ պետք է քննարկվի ԵՄ ու Կանադայի միջեւ առեւտրատնտեսական համագործակցության մասին համաձայնագիրը (CETA)։ «Մենք կոչ են անում բոլոր կողմերին լուծում գտնել։ Դեռ ժամանակ կա»,- ասել է Տուսկը, հայտնում է DW–ն։
Ավելի վաղ այդ նույն օրը Բելգիայի իշխանությունները հայտնել էին, որ ներքաղաքական դիմակայության պատճառով իրենք չեն կարող վավերացնել CETA –ն։ ԵՄ ու Կանադայի միջեւ առեւտրային համաձայնագրերի բոյկոտին բելգիական Վալոնիայից հետո հոկտեմբերի 24-ին միացել է նաեւ երկրի մայրաքաղաքային ռեգիոնը՝ Բրուսելը։ Վալոնիան, հակառակ ԵՄ ճնշմանը, նույնպես մտադիր չէ շտապել պայմանագրի ստորագրման վրա դրած վետոյից։ Այսպիսով, շանսերը, որ ԵՄ-ին ու Կանադային կհաջողվի նախանշված ժամկետում կնքել առեւտրատնտեսական համագործակցության մասին համաձայնագիրը, օրեցօր նվազում են։
