Գրավի դիմաց ազատ արձակված «Սասնա ծռեր» խմբի անդամ Հովհաննես Վարդանյանիորդին՝ Մարտին Վարդանյանը, ազատ է արձակվել «Նուբարաշեն» ՔԿՀ-ից: Այս մասին NEWS.am-ը տեղեկացավ նրա հարազատներից: Մարտին Վարդանյանի եղբայրը՝ Պարույրը, մեզ հետ զրույցում նշել էր, որ չեն կարողանում գտնել անհրաժեշտ 1 միլիոն դրամը, սակայն, գրավի դիմաց ազատ արձակելու որոշումից 3 օր անց հարազատներին հաջողվել է հավաքել անհրաժեշտ գումարը:
Ավելի վաղ փաստաբան Ստեփան Ոսկանյանը մեզ հետ զրույցում ասել էր, որ Մարտին Վարդանյանին մեղադրանք են առաջադրել` այդ կերպ ճնշում գործադրելու համար «Սասնա ծռեր» խմբի կազմում գտնվող նրա հոր՝ Հովհաննես Վարդյանյանի նկատմամբ: Նա նշել էր, որ իր պաշտպանյալի նկատմամբ առաջադրված մեղադրանքը հիմնավորված չէ, նրան մեղադրում են «Սասնա ծռեր» խմբին անդամների հեռախոսները լիցքավորելու եւ նրանց համար աջակիցներ փնտրելու մեջ։
Մարտին Վարդանյանին ձերբակալել էին հուլիսի 22-ին, 25-ին մեղադրանք առաջադրել ու կալանավորել։