Չինական Xiaomi արտադրողի նոր սմարթֆոնն ունի 5.7 մատնաչափ QHD դիսփլեյ, որը ճկվում է 2 կողմից։ Mi Note 2 կոչվող սարքն աշխատում է Snapdragon 821 պրոցեսորի բազայի վրա 2,35 ԳՀց հաճախականությամբ, փոխանցում է Life–ը։

Օգտատերերին  հասանելի կլինի 2 կոնֆիգուրացիա. 4 Գբայթ օպերատիվ հիշողությամբ եւ 64 Գբայթ ներդրված հիշողությամբ, ինչպես նաեւ 6 Գբայթ օպերատիվ հիշողությամբ եւ 128 Գբայթ ներդրված հիշողությամբ։ Ընդ որում ներքին հիշողության ծավալը կարելի է մեծացնել microSD կրիչի օգնությամբ։

Mi Note 2–ն ունի 23 մեգապիքսել հզորությամբ հիմնական եւ 8 մեգապիքսել հզորությամբ դիմային տեսախցիկ։ Հեռախոսի վրա կա նաեւ մատնահետքի սքաներ։ Մարտկոցի ծավալը 4070 մԱ/ժ է։