Երեւան-Սեւան ավտոճանապարհին հոկտեմբերի 18-ին տեղի ունեցած վթարի հետեւանքով «Հերացի» թիվ 1 հիվանդանոցային համալիր տեղափոխված 3 տուժածներից մեկը դուրս է գրվել հիվանդանոցից: NEWS.am-ին այսօր՝ հոկտեմբերի 25-ին, հիվանդանոցից հայտնեցին, որ դուրս գրվողը նյարդավիրաբուժության բաժանմունքում գտնվող հիվանդներից Շահանե Ս.-ն է:
Հիվանդանոցի նյարդավիրաբուժության բաժանմունքում շարունակում են բուժում ստանալ վթարից տուժած Վարսերի բնակիչ 20-ամյա Հրանտ Գասպարյանը եւ Mercedes Benz Sprinter-ի վարորդ Գագիկ Ստեփանյանը, որը այսօր եւս դուրս կգրվի:
Ավելի վաղ տեղեկացրել էինք, որ Կոտայքի մարզում հոկտեմբերի 18-ի առավոտյան ժամը 08.30-ի սահմանում խոշոր ու ողբերգական ավտովթար է տեղի ունեցել. Երեւան-Սեւան ավտոճանապարհի 44-րդ կմ հատվածում բախվել են «Օպել» մակնիշի եւ Mercedes Benz Sprinter մակնիշի ավտոմեքենաները։ Վթարի հետեւանքով մահացել էր Վարսեր գյուղի 18-ամյա բնակչուհիՀռիփսիմե Գասպարյանը:
Դեպքի առթիվ հարուցվել է քրեական գործ: