Ղարաբաղյան հակամարտության գոտում ապրիլյան ողբերգությունը շատ կյանքեր խլեց, սակայն կողմերից ոչ մեկը չպետք է մեղադրի մյուսին։ Այս մասին հոկտեմբերի 25-ին Երեւանում ասել է ԵԱՀԿ ՄԽ ամերիկացի համանախագահ Ջեյմս Ուորլքիը։
«Ի՞նչ պետք է մենք հասկանանք։ Ապրիլյան ողբերգությունը ցույց է տալիս, որ մեծ կարեւորություն են ներկայացնում խաղաղ բանակցությունները։ Ապրիլյան ողբերգությունից հետո շփման գծում իրավիճակը համեմատաբար հանգիստ էր։ Դա կարեւոր հիմք է բանակցությունների համար, որոնք մենք ուզում ենք նախաձեռնել։ Եվ կարծում ենք, որ հրադադարի պահպանման նկատմամբ հարգանքը կպահպանվի»,– ընդգծել է Ուորլիքը։
Ըստ նրա՝ շփման գծում բռնության մակարդակը նվազել է վերջին տարիներին։ «Կարծում եմ, որ դա Հայաստանի եւ Ադրբեջանի նախագահների պայմանավորվածության արդյունք է։ Վստահ եմ, որ կգա պահը, երբ դեսպան Կասպրշիկի առաքելությունների ընդլայնումը կարեւոր քայլ կդառնա ճիշտ ուղղությամբ»,– հավելել է Ուորլիքը։