ՀՀ կառավարությունը պետք է ապացուցի, որ չի հովանավորում ստվերային համաձայնագրերը։ Այս մասին հոկտեմբերի 25-ին ԱԺ–ում ասել է ԲՀԿ պատգամավոր Միքայել Մելքումյանը՝ մեկնաբանելով վարչապետի հայտարարությունը, թե բիզնեսը օրենքի առաջ հավասար է։
«Թող իշխանությունները ցույց տան, որ յուրաքանչյուրն, ով ուզում է հանրապետություն բենզին, ցիտրուս կամ շաքար ներկրել, կարող է անարգել դա անել։ Բավական չէ ուղղակի հայտարարել, պետք է ցույց տալ։ Կապրենք, կտեսնենք»,– ասել է պատգամավորը։
