Շվեյցարական Swatch ապրանքանիշը Հելոուինին ընդառաջ ժամացույց է թողարկել, որը նվիրված է կոմս Դրակուլային, հայտնում են կազմակերպության մամուլի ծառայությունից, փոխանցում է Lenta–ն։

Ժամացույցը սեւ գույնի է՝ ալ կարմիր սլաքներով։ Թվատախտակի վերին հատվածում վամպիրի ատամներ են պատկերված։

Կոմս Դրակուլան առաջին անգամ Swatch ժամացույցի վրա էր հայտնվել 1999-ին։ Թվատախտակին պատկերված էր ծիծաղացող վամպիր, իսկ գոտու վրայով «արյուն» էր  հոսում։ Ընկերությունը մեկ տարի անց չղջիկներով ժամացույց էր արտադրել։