ԱՄՆ Դեմոկրատական կուսակցությունից երկրի նախագահի թեկնածուի օգնականուհի Հումա Աբեդինը նախընտրական շտաբի առանցքային դեմքերին գրել է, որ Հիլարի Քլինթոնը «գլխի հետ կապված խնդիրներ ունի»: ՌԻԱ Նովոստիի փոխանցմամբ՝ նամակագրությունը տեղադրվել է Wikileaks կայքում:
Նամակներում նշվում է նախընտրական արշավի մեկ այլ մասնակցի՝ Ջեբ Բուշի կողմից քաղաքական գործողությունների հատուկ հանձնաժողովի օգտագործման, այլ կերպ ասած՝ նրա արշավի ֆինանսավորման մասին: Քլինթոնի շտաբը փորձել է նրա համար տեքստ գրել՝ ֆինանսավորման գաղտնի աղբյուրների դատապարտմամբ:
Երբ դեմոկրատ թեկնածուի օգնականները հարկ եղած ձեւակերպումը գտել են, Աբեդինը գրել է, որ Քլինթոնը չպետք է շեղվի նախապես գրված տեքստից:
«Նա ստիպված կլինի ավելի շատ օգտվել հուշումներից, դեռեւս գլխի հետ կապված խնդիրներ ունի»,- գրել է Քլինթոնի օգնականը: