Գերմանիայի պաշտպանության նախարար Ուրսուլա ֆոն դեր Լյայենը քննադատել է Թուրքիայի բանակի գործողությունները Իրաքի Մոսուլի վրա հարձակման ընթացքում, որը ներկայումս վերահսկում են «Իսլամական պետություն» ահաբեկչական խմբավորումները:
Հարկ է հարգել Իրաքի ինքնիշխանությունը, հայտարարել է ֆոն դեր Լյայենը: Նրա խոսքով՝ այս դիրքորոշմանը համաձայն են միջազգային կոալիցիայի բոլոր անդամները, որոնք պայքարում են ԻՊ-ի դեմ: Այս մասին հայտնում է DW-ն:
«Անհրաժեշտ է պահպանել կոալիցիայի կանոնները»,- հավելել է նախարարը:
Իրաքի ղեկավարությունը Թուրքիայի իշխանություններից պահանջել է Իրաքի տարածքում չմիջամտել ԻՊ-ի դեմ պայքարին: Մինչդեռ Անկարան, որը եւս կոալիցիայի անդամ է, այս պահանջն անտեսում է: