Ֆիլիպինների նախագահ Ռոդրիգո Դուտերտեն երկու օրում երկրորդ անգամ է սպառնացել խզել ԱՄՆ-ի հետ ռազմական կապերը, հայտնում է «Ամերիկայի ձայնը»։
Ելույթ ունենալով Տոկիոյում տնտեսական ֆորումի ժամանակ՝ Դուտերտեն ցանկություն է հայտնել, որ Ֆիլիպինները «ազատվեն օտարերկրյա զորքերի ներկայությունից» առաջիկա երկու տարիների ընթացքում, նույնիսկ եթե դրա համար ինքը ստիպված լինի «վերանայել ու խզել համաձայնագրեր»։
Դուտերտեն Տոկիո է ժամանել եռօրյա պաշտոնական այցով, այնտեղ նա հանդիպելու է վարչապետ Սինձո Աբեի հետ, որը մինչ այդ շեշտել էր Տոկիոյի ու Վաշինգթոնի կապերի ամրությունը ՝ որպես հակակշիռ Պեկինի ագրեսիային Հարավչինական ծովում։