Ինձ ոչ ոք պաշտոնանկ չի արել: Այս մասին, հոկտեմբերի 27-ի ոճրագործության 17-րդ տարելիցի առթիվ Եռաբլուր պանթեոն այցելության ժամանակ լրագրողների հետ զրույցում նշել է Սյունիքի արդեն նախկին մարզպետ Սուրիկ Խաչատրյանը:
Նա հավաստիացրեց, որ հրաժարական է տվել իր դիմումի համաձայն՝ առողջական խնդիրների պատճառով. «Ես առողջական խնդիրներ ունեմ, դրա համար եմ հրաժարական տվել»:
Հարցին, թե նեղացա՞ծ է իր կուսակից հանրապետականներից, Սուրիկ Խաչատրյանը բացասական պատասխան տվեց։
Սուրիկ Խաչատրյանի խոսքով, ինքը ակտիվորեն շարունակելու է կուսակցական գործունեությունը, որպես տարածքային կազմակերպության պատասխանատու՝ կազմակերպելու է 2017-ի խորհրդարանական ընտրությունները. ««Ընտրությունն ինքս եմ կազմակերպելու, ոչ մի խնդիր չկա: Ես ինքս Հանրապետական եմ, որևէ մեկից նեղացած չեմ, ժամանակը կգա, ես կսկսեմ ընտրությունը կազմակերպել»:
Նշենք, որ Սպարապետ Վազգեն Սարգսյանի շիրիմին այցելության էին եկել ԵԿՄ անդամները՝ Մանվել Գրիգորյանի գլխավորությամբ:
