Հայաստանի կառավարությունը հոկտեմբերի 27-ի նիստում հաստատել է երեխաների պաշտպանությանն ուղղված USAID-ի նախագծով ծախսերի ծրագիրը: Ծրագրի շրջանակում 2016-2019 թվականներին USAID-ն 825 հազար դոլար կծախսի, Հայաստանի Կառավարությունը՝ 82.5 հազար դոլար:
Ծրագրի շրջանակում նախատեսվում է դադարեցնել երեխաների հոսքը հատուկ դպրոցներ եւ ինտերնատներ, նրանց ընտանիքներում պահել կամ վերադարձնել ընտանիք: Ծրագրվում է երեք տարվա ընթացքում մանկավարժական-հոգեբանական աջակցության առնվազն 5 կենտրոն բացել:
Բացի այդ, 100 դպրոցներ կհարմարեցվեն հատուկ կարիքներ ունեցող երեխաների համար անհրաժեշտ պահանջներին:
