Ազգային ժողովի ՀՀԿ խմբակցության պատգամավոր, գեներալ Սեյրան Սարոյանը կարծում է` առաջիկայում լայնամասշտաբ պատերազմի հավանականություն չկա:
Այսօր` հոկտեմբերի 27-ին, Եռաբլուրում լրագրողների հետ զրույցում գեներալն ընդգծեց, որ վերջին ժամանակահատվածում ադրբեջանական կողմի ակտիվացումը կապված է «արյան շրջանառության» հետ:
«Աշուն գարուն ակտիվանում են, մարդիկ էլ էն էդպես, արյան շրջանառությունից է: Հո ախմախ չեն, հո կոկա-կոլա չի, որ անընդհատ բացեն, ասեն կրկին փորձիր»,- ասաց գեներալը:
ՀՀԿ-ական պատգամավորի պնդմամբ, պատերազմի դեպքում բանակն ու հայ ժողովուրդը պատրաստ է արժանի հարված տալ:
