Նավթի համաշխարհային գները շարունակում են աճել Վենեսուելայում կայունության մտավախությունների եւ ԱՄՆ Էներգետիկայի նախարարության տվյալների ֆոնին, որոնք հայտնում են երկրում պաշարների անսպասելի կրճատման մասին, փոխանցում է «ՌԻԱ Նովոստի»–ն։
Brent տեսակի նավթի դեկտեմբերյան ֆյուչերսների գինն աճել է 0.72 տոկոսով եւ կազմել բարելի դիմաց 50.34 դոլար։ Իսկ WTI նավթի դեկտեմբերյան մատակարարումների գինն աճել է 0.41 տոկոսով՝ մինչեւ բարելի դիմաց 49.38 դոլարի։
Նավթի արժեքը շարունակվում է արձագանքել ԱՄՆ Էներգետիկայի նախարարության տվյալներին։ ԱՄՆ–ում նավթի կոմերցիոն պաշարները կրճատվել են 0.6 մլն բարելով՝ հասնելով 468.2 մլն բարելի։ Վերլուծաբաններն, ընդհակառակը, 1.699 մլն բարելի աճ էին ակնկալում։
Նավթի գների տատանումները զսպում են կասկածները, որ ՕՊԵԿ երկրներն եւ ոչ անդամ պետությունները կարող են արդյունավետ համակարգել նավթի արդյունահանման կրճատումը, որն ուղղված է գների պահպանմանը։
