Հոկտեմբերի 27-ի նիստում կառավարությունը հավանություն է տվել պետական մարմինները ձեւավորելիս վարչապետի լիազորությունների մասին նախագահի հրամանագրի օրինագծին:

Հրամանագրի օրինագծում նշված է, որ նախարարությունների կազմում պետական մարմինները ստեղծվում են, վերակազմավորվում եւ լուծարվում վարչապետի առաջարկով նախագահի հրամագրերով: Առաջարկվում է նաեւ պարզեցնել կառավարության նիստերի ընթացքը: Տեխնիկական լրացումներին առնչվող հարցերի համար առաջարկվում է բովանդակությունը չզեկուցել: Առաջարկվում է այդպիսի հարցերը քննարկել միայն կառավարության անդամների առարկության դեպքերում, կամ եթե օրինագիծը չի ստացել շահագրգիռ մարմինների եզրակացությունը: