ՀՀ էներգետիկ ենթակառուցվածքների եւ բնական պաշարների նախարարության «Էլեկտրաէներգետիկ համակարգի օպերատորը» պարտավոր լինի վերլուծել էներգետիկ համակարգի հուսալիության ցուցանիշները և դրանց բարելավման ուղղությամբ առաջարկներ ներկայացնել։ Այս մասին հոկտեմբերի 27-ին խորհրդարանում ասել է էներգետիկ ենթակառուցվածքների եւ բնական պաշարների փոխնախարար Արեգ Գալստյանը՝ ներկայացնելով «էներգետիկայի մասին» օրենքում փոփոխությունների նախագիծը։
Նրա խոսքով՝ բոլոր լիցենզավորված կազմակերպությունները իրենց զարգացման ծրագրերում համաձայնեցման ժամանակ պետք է ներառեն նաև հուսալիության բաղադրիչը։ Օպերատորը կպարտավորվի վերլուծել այդ ցուցանիշները եւ Կառավարությանը տրամադրել հուսալիության ցուցանիշները։