Հայաստանի վարչապետ Կարեն Կարապետյանը դարձել է «ՕԳԿ–2» ընկերության («Գազպրոմ էներգահոլդինգ»–ի կազմում) բաժնետերը։ Նրան է պատկանում ընկերության բաժնետոմսերի 0.009 տոկոսը, ասված է ընկերության նյութերում։
Ընկերությունում Կարապետյանի մասնաբաժինը փոխվել է հոկտեմբերի 26-ին։ Նախքան այդ նա բաժնեմասեր չուներ։
«ՕԳԿ»–ից «ՌԻԱ Նովոստի»–ին հայտնել են, որ Կարապետյանի բաժնեմասը 2015-ի աշխատանքի դիմաց պարգեւատրում է։ Այդ մասին որոշումը կայացվել է 2016-ի հունիսին՝ ընկերության բաժնետերերի ամենամյա ժողովի ժամանակ։