Հնդկաստանը Պակիստանի Բարձրագույն հանձնաժողովի անդամին մեղադրել է լրտեսության մեջ ու պահանջել, որ դիվանագետը լքի երկիրը, հայտնում է BBC–ն։
Տեղական մամուլի տեղեկություններով դիվանագետը ձերբակալվել է հարցաքննության համար, բայց հետո նրան ազատ են արձակել, քանի որ նա դիվանագիտական իմունիտետ ունի։ Ըստ հնդկական պարբերականների տեղեկությունների՝ երկու մարդ է ձերբակալվել Ռաջաստան նահանգում ՝ պակիստանցի դիվանագետին պաշտպանությանը վերաբերող տեղեկություն փոխանցելու կասկածով։
Պակիստանն առայժմ չի մեկնաբանել դիվանագետի հասցեին մեղադրանքը։