Եվրախորհրդարանը ԵՄ խորհրդին կոչ է անում «առանց հետագա հետաձգումների» բանակցություններ սկսել Վրաստանի համար վիզային ազատականացման նպատակով։
Նամակում, որը Եվրախորհրդարանի Քաղազատությունների, արդարադատության ու ներքին գործերի հանձնաժողովը հասցեագրել էր ԵՄ խորհրդի նախագահող երկիր Սլովակիային, եվրապատգամավորները կոչ են անում եռակողմ բանակցություններ սկսել «հնարավորինս շուտ, նոյեմբերի սկզբին», հայտնում է «Վրաստան-օնլայնը»։
Եվրապատգամավորները նշում են, որ այդ թեմայով բանակցությունների հետաձգման համար իրական պատճառներ չկան ու Եվրահանձնաժողովը հաստատել է, որ Վրաստանը բավարարում է բոլոր չափանիշները, որոնք նախատեսված են վիզային ազատականացման գործողությունների ծրագրով։
«Մեր գլխավոր սկզբունքն այն է, որ բոլոր այն երկրները որոնք համապատասխանում են չափանիշներին, կարող են օգուտ ստանալ վիզային ազատականացումից ու Վրաստանը նման երկրների թվին է պատկանում»,- ասել է զեկուցող Մարիա Գաբրիելը իր ուղերձում ու նշել, որ ԵՄ-ն պետք է կատարի իր խոստումները։
Նրա խոսքով, այդ հարցը այլեւս չի կարելի հետաձգել։ Մարիա Գաբրիելը հայտնել է, որ «Արեւելյան գործընկերություն» ու Վրաստան- ԵՄ գործընկերությունների համատեքստում վիզային ազատականացումը որոշակի ձեռքբերում է Վրաստանի քաղաքացիների համար։