Կանադան եւ ԵՄ–ն ազատ առեւտրի մասին համաձայնագիրը կստորագրեն մինչեւ հոկտեմբերի 29-ը։ Այս մասին ասված է ԵՄ–ում Սլովակիայի ներկայացուցչության թվիթերյան էջում։
«Ազատ առեւտրի մասին համաձայնագրի փաթեթը հավանություն է ստացել։ Համաձայնություն է ձեռք բերվել ընթացակարգը Եվրոպական խորհրդի կողմից ավարտին հասցնել մինչեւ ուրբաթ կեսգիշեր»,– ասված է հաղորդագրության մեջ։
RNS–ի փոխանցմամբ՝ Կանադայի միջազգային առեւտրի նախարար Խրիստյա Ֆրիլանդը հոկտեմբերի 22-ին հայտարարել էր, որ համաձայնագրի ճակատագիրը հիմա կախված է միայն ԵՄ–ից։
«Մենք մեր աշխատանքը կատարել ենք։ Հիմա գնդակը եվրոպական կողմի դաշտում է»,– ասել էր նախարարը Եվրախորհրդարանի նախագահ Մարտին Շուլցի հետ հանդիպման ավարտին։
