1000 ԱՄՆ դոլար կաշառք վերցնելու մեջ կասկածվող՝ Երեւանի Շենգավիթ վարչական շրջանի ընդհանուր իրավասության դատավոր Իշխան Բարսեղյանը ցուցմունք չի տվել: Այս մասին NEWS.am-ին ասաց նրա պաշտպան Վարդուհի Էլբակյանը:
«Իշխան Բարսեղյանը որեւէ դիրքորոշում չի հայտնել»,- ասաց փաստաբանը:
Նշենք, որ ըստ ԱԱԾ տարածած հաղորդագրության՝ քաղաքացիական գործով կողմի օգտին որոշում կայացնելու համար դատավոր Իշխան Բարսեղյանը պահանջել եւ Երեւանի հետիոտնային գետնանցումներից մեկում անձամբ ստացել է 1000 ԱՄՆ դոլար գումար, որի փոխանցումն իրականացվել է Ազգային անվտանգության ծառայության աշխատակիցների օպերատիվ վերահսկողության ներքո: