ԵՏՄ–ն չի կարող լիարժեք գործել եւ ընդլայնվել, քանի դեռ պահպանվում են ներքին արգելքները։ Այս մասին ԵՏՄ միջկառավարական խորհրդի նիստում հայտնել է Ղրղզստանի վարչապետի պաշտոնակատար Սոորոնբայ Ժենբեկովը։
«ԵՏՄ–ն չի կարող լիարժեք գործել եւ ընդլայնվել, քանի դեռ պահպանվում են ներքին արգելքները։ Մինչ այն պահը, երբ ԵՏՄ–ն կներկայացնի երրորդ երկրների հետ առեւտրի արտոնյալ ռեժիմը, անհրաժեշտ է վերացնել ԵՏՄ ներսում բոլոր խոչընդոտները ԵՏՄ երկրների ապրանքների ազատ տեղաշարժն ապահովելու համար»,– ասված է հայտարարության մեջ, հայտնում է Ղրղզստանի կառավարության մամուլի ծառայությունը։
Սոորոնբայ Ժենբեկովը նշել է, որ ցանկացած որոշում կայացնելիս կարեւոր է պահպանելով ազգային շահերը՝ աջակցել միմյանց, խորացնել եվրասիական ինտեգրացիան ինչպես ներսում, այնպես էլ գլոբալիզացիայի պայմաններում։
