ԵՄ–ն մինչեւ 2019 թվականը SMEDA նախագծի շրջանակում 6.4 մլն եվրո կհատկացնի Հայաստանի փոքր բիզնեսի միության աջակցության համար։ Նախագծի ղեկավար Եվա–Մարիա Նեերը լրագրողներին հայտնել է, որ օգնություն կարող են ստանալ բիզնես միություններն ու առանձին ձեռնարկությունները, այդ թվում՝ ինովացիոն նախագծերը։
Նախագիծը կիրականացվի Միջազգային համագործակցության գերմանական միության ղեկավարությամբ։
Ծրագրի նպատակներից մեկն է օգնել բիզնես կազմակերպություններին ավելի որակյալ ծառայություններ մատուցել իրենց անդամներին, ինչպես վճարովի, այնպես էլ անվճար խորհրդակցություններ, թրենինգներ։
«Մենք կանցկացնենք նաեւ ոլորտի վերլուծություն, որպեսզի պարզենք, թե որ սեկտրոն է ավելի շատ օգնության կարիք զգում։ Հնարավոր է, մենք նայենք, թե որ ընկերություններն են այստեղ աշխատում ճշգրիտ ինժեներության ոլորտում, եւ ինչի կարիք ունեն։ Բայց ուզում ենք ուշադրություն դարձնել նաեւ մաքուր տեխնոլոգիաներին՝ վերականգնվող էներգետիկային, էներգաարդյունավետությանը, աղբի վերամշակմանը։ Մենք ուզում ենք հնարավորինս շատ գործընկերներ ներգրավել։ Այսինքն՝ չենք ուզում պարզապես ինչ–որ մեկին մերժել միայն որովհետեւ բավականաչափ դիմումներ ենք ստացել»,– ասել է Նեերը։
SMEDA–ն արդեն մասնակցության դիմումներ է ստացել, սակայն մեկ տարուց եւս մեկ ընտրություն կկատարի։