ԱՄՆ նախագահի դեմոկրատ թեկնածու Հիլարի Քլինթոնի նախընտրական շտաբի ղեկավար Ջոն Պոդեստայի գաղտնի նամակագրության 21-րդ մասն է հրապարակվել WikiLeaks կայքում, հայտնում է «ՌԻԱ Նովոստին»։
Նամակների առաջին մասը հրապարակվել էր հոկտեմբերի 8-ին, կայքի աշխատակազմը նամակագրությունը մաս- մաս է հրապարակում՝ օրական մի քանի հազար նամակ։ Հիմա արդեն ավելի քան 35․5 հազար նամակ հասանելի է հանրությանը։
Հոկտեմբերի սկզբին WikiLeaks–ի հիմնադիր Ջուլիան Ասանժը Բեռլինում տեսակամուրջի ընթացքում խոստացել էր մինչեւ տարեվերջ հրապարակել «կարեւոր տվյալներ» երեք երկրների կառավարությունների ու ԱՄՆ ընտրությունների վերաբերյալ։