Երեւանում 57 տրոլեյբուս է մնացել 5 երթուղիներով: Այս մասին այսօր՝ նոյեմբերի 1-ին, հայտարարել է Երեւանի առաջին փոխքաղաքապետ Կամո Արեյանը՝ ելույթ ունենալով 2017-ի պետական բյուջեի նախագծի խորհրդարանական լսումներին:
Մյուս տարի «Երեւանի էլեկտրատրանսպորտ» ՊՓԲԸ-ն, որը Երեւանի քաղաքապետարանի ենթակայության տակ է, ընդամենը կստանա 611 մլն դրամ (մոտ 1,3 մլն դոլար – խմբ.) դոտացիա:
Նշենք, որ Երեւանի քաղաքապետարանի կայքում ներկայացված տվյալների համաձայն՝ «Էլեկտրատրանսպորտի» հաշվեկշռում կա 78 ուղեւորատար տրոլեյբուս: Օրական միջինը գիծ է դուրս գալիս 46-48 մեքենա: