Ադրբեջանի հեռուստատեսության եւ ռադիայի ազգային խորհուրդը հոկտեմբերի 22-ին հայտարարել է Բաքվի եւ Աբշերոնի թերակղզու տարածքում հեռարձակվող հաճախությունների մրցույթի հաղթողի անունը: Մրցույթի արդյունքներն ավելի քան սպասելի էին. Հաղթել է մրցույթի միակ մասնակից Aztv պետական հեռուստառադիոընկերությունը: Ադրբեջանի պետական հեռուստատեսությունը, բացի սպորտայինից, շուտով նաեւ նոր մասնագիտացված ալիք կունենա` «Մշակույթ» անունով:
Մնում է միայն պատկերացնել, թե մարդկանց ուղեղները լվանալու ինչ լայն քարոզչական դաշտ է բացվելու Aztv-ի համար: Չէ՞ որ «մշակոյւթը» ներկայացնելու է մի ընկերություն, որն իր «Նախշլար» ծրագրում հաջողացնում է ցուցադրել «բրոնզե դարյա» հայկական խաչքարերը եւ պնդել, որ դա «ապացուցում է ադրբեջանցիների հին ծագումը»: Էլ չասած, որ պտտեցնում են Ալիեւի հին երգերի սկավառակը, ըստ որի Երեւանը Արեւմտյան Ադրբեջանի մայրաքաղաքն է:
