Չեխիայի մայրաքաղաք Պրահայումընթացող սամբոյի աշխարհի գավաթի ուսանողական առաջնությանը Հայաստանը ներկայացնող, Ֆիզիկական կուլտուրայի հայկական պետական ինստիտուտի 3-րդ կուրսի ուսանող Վահագն Գեւորգյանը 68 կգ քաշային կարգում նվաճել է բրոնզե մեդալ:
Հայաստանի սամբոյի ֆեդերացիան հայտնում են, որ հոկտեմբերի 24-ից 28-ը Պրահայի «Կլուբ հոթել Պրահա» մարզահամալիրում կկայանա նաեւ սամբոյի վետերանների աշխարհի գավաթի խաղարկությունը, որին կմասնակցեն Հայաստանի ներկայացուցիչներ, սպորտի վարպետներ, ՀՀ վաստակավոր մարզիչներ 50-ամյա Վովիկ Խոջայանը (68 կգ) եւ 55-ամյա Զավեն Էվոյանը (62 կգ), ովքեր քանիցս մասնակցել են սամբոյի վետերանների Աշխարհի եւ Եվրոպայի առաջնությունների եւ դարձել մրցանակակիրներ: